Күп балалы ана мунчада 5 яшьлек кызының күкрәгенә һәм аркасына пычак кадаган

8 апрель 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: pixabay.com
7 апрельдә Башкортстанның Иглин районында 5 яшьлек баланы хастаханәгә китерәләр. Аның тәнендә пычак белән кадаган эзләр була. Бу турыда "Башинформ" агентлыгы хәбәр итте.

Бу бала Иглин районында урнашкан бер авылдагы шәхси йортта яраланган. Вакыйга турында Башкортстан буенча Тикшерү комитетына хәбәр бирәләр. Шуннан соң хастаханәгә һәм кыз яши торган йортка хокук саклаучылар бара. 

"Фаҗига булган көнне 40 яшьлек хатын үзенең 7, 5 һәм 3 яшьлек балалары белән мунчада була. Шунда ул 5 яшьлек кызының күкрәгенә һәм аркасына пычак белән кадый. Кычкырган тавышларны ишетеп, мунчага әти кеше килеп җитә. Ул хатынын туктата, тиз арада ашыгыч ярдәм чакыра", диелгән әлеге хәбәрдә.

Иглин районы тикшерүчеләре 40 яшьлек хатынга карата "аеруча вәхшилек белән нәни баланы үтерергә җыену" маддәсе буенча җинаять эше ачкан.

"Хәзерге вакытта бала хастаханәдә. Җинаятьтә шикләнелүче ана тоткарланды. Тикшерү эшләре бара. Гаиләнең туганнарын һәм якыннарын сораштыралар. Исән калган ике балага психологлар ярдәм итә",  дип аңлатканнар Тикшерү комитетында.

  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла