Ике яшьлек кыз бала ялгызы гына урманда ике төн кунган

6 сентябрь 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: https://vk.com/mchs35
Вологда өлкәсендә югалган 2 яшьлек Василисаны исән килеш таптылар. Баланы ике көн буена 400ләп кеше эзләде. Аның сәламәтлеге канәгатьләнерлек дип бәяләнә. Бу турыда "Вологда.Поиск" сайты хәбәр итте.

Россия Гадәттән тыш хәлләр министрлыгының Вологда өлкәсе буенча идарәсе мәгълүматы буенча, кызны урман сукмагында тапканнар. Ике яшьлек бала ике көн буена урманда ялгызы гына ничек яшәгәне сер булып кала, диелә бу хәбәрдә. 
 


Василиса 4 сентябрьдә көндез югалган. Ул Тарногский районының Красное авылында ишегалдында комлыкта уйнап утырган. Анасы кызны апалары белән калдырып торган. Апаларына да 4 һәм 6 яшь кенә. Ана үзе күрше йортка кереп киткән. Ул шунда яңа туган кече баласын имезергә булган. Шул арада 2 яшьлек Василиса югалган. 

 
Бала югалгач, Тикшерү комитеты җинаять эше ачты, коткаручылар, полиция хезмәткәрләре, волонтерлар, биредә яшәүче кешеләр баланы эзләде. Алар урманнардан, якындагы авыллардан йөреп чыкты, водолазлар суларны тикшерде. Бәхеткә, бүген баланы исән килеш таптылар.

"Василисаны урман янында табылды. Ул югалган урыныннан бер километр чамасы ераклыкка киткән. Бала елаган һәм хәрәкәтләнми диярлек. Хәзер аны табиблар карый. Сабыйны санавиация белән өлкә хастаханәсенә илтү турында мәсьәлә хәл ителә", дип хәбәр итте "Беренче канал".


Бу гаиләне тикшергәннән соң, ананың барлык балаларын да хастаханәгә алып киткәннәр. Аларны табиблар карый. Биш бала анасы моңа кадәр дә әти-әни вазифаларын башкармаган өчен җаваплылыкка тартылган булган. Тикшерүчеләр җинаять эше ачкан. Бу турыда НТВ каналы хәбәр итте.



  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла