"Ике нәни баласын үзенә бәйләп суга кергән": Бер хатын иренең хыянәтен белгәч, балаларын батырып үтергән

11 сентябрь 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: https://pixabay.com
9 сентябрьдә Камчаткада 27 яшьлек хатын ике баласын батырып үтергән. Фаҗига Крашенинников бухтасында була. Бу турыда "Вести" каналы хәбәр итте.

Хатын биш яшьлек улын, яшь ярымлык кызын үзенә бәйләп куя һәм суга керә.

Балалар кычкырганын узып баручы кеше ишетеп ала. Ул коткаручылар һәм полиция чакыра. Урынга килеп җиткән коткаручылар хатын янына көймәгә утырып кына барып җитә ала.

Бу вакытта балаларның кече инде үлгән була, биш яшьлек малай реанимациядә үлә. Хатынның үзен исә коткарып калалар, ул исән. Хәзер бу хатынны кулга алу мәсьәләсе хәл ителә. Ике нәни баланы үтерү факты буенча җинаять эше ачылган. Хатынның үзен кулга алдылар.

РИА Новости агентлыгына Камчатка өлкәсендәге хокук саклау органнарында чыганагы хәбәр иткәнчә, хатын балаларын да, үзе дә батып үлмәкче була. Хатын очрашып йөргән иренең хыянәтен белгәч, шундый коточкыч адымга җыена.

Биредәге матбугат чаралары да фаҗига турында хәбәр итте. Хатынның исеме Екатерина, аның сөйгән ир-аты бар. Аларның уртак кыз балалары туа. Хатын бу ир-атны фатирын приватизацияләү исемлегенә кертергә җыена. Тик шул чакта бу ир-атның хатыны һәм очрашып йөри торган башка хатын-кызлары булуы да ачыклана.

Екатеринаның танышлары сүзләренчә, әлеге яңалыкларны ишеткәч, хатынның "башы китә". Өстәвенә кечкенә вакытында бу кызны көчләгән булганнар. Ул шул чакта ук өеннән чыгып киткән, полициягә хәбәр итмәгән.

Бауман исемендәге Мәскәү дәүләт техник университетын тәмамлаган Екатерина Вилючинск шәһәрендә инженер булып эшләгән.

  Без Инстаграмда

Фикерләр








Хәвеф-хәтәр

Яшә, Анастасия!: “Яраткан актрисаның китүе турында сөйләргә иртә әле”

Соңгы көннәрдә Анастасия Заворотнюк исеме белән чыккан хәбәрләр халыкны тирән борчуга салды. Сәхнәдә һәм тамашачылар алдында күптәннән күренмәгән Анастасия Заворотнюк 47 яшендә Мила исемле кызын таба. Тик көтмәгәндә актрисаның авыруы турында имеш-мимешләр тарала, “Моя прекрасная няня” сериалы йолдызы Жанна Фриске вафат булган диагноздан интегә икән, дигән сүзләр йөри башлый. Кичә “Беренче канал”ның “Пусть говорят” тапшыруында Анастасия турында сөйләштеләр, шундагы фикерләрне сезгә тәкъдим итәбез.

БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла