Җиңү проспектында биш машина белән авария булган

Казанның Җиңү проспектында берничә машина берьюлы бәрелешеп, иномарка трамвай юлына чыккан һәм капланган. Бу турыда «Татар-информ»га вакыйганың шаһитлары хәбәр итте.

Авария 14 ноябрьдә кичке сигезләр тирәсендә Республика кан үзәге каршында була.

Беренчел мәгълүматлар буенча, авариядә берничә машина катнаша. «Опель», «БМВ», «Лада», «Лексус» һәм «Рено». Авариядән соң «Опель Астра» машинасы трамвай юлына чыгып китә һәм каплана.

Шаһитлар сүзләренчә, «Опель» кузовының алгы өлеше нык җимерелгән.