Дәрестән качып йөргән 12 яшьлек малай Иделдә боз астына төшеп киткән - видео

23 март 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: 21.mchs.gov.ru

Чувашиянең Новочебоксарк шәһәрендә бишенче сыйныфта укучы бала Идел елгасында боз астына төшеп киткән. Аны Гадәттән тыш хәлләр министрлыгы хезмәткәре һәм узып баручы ике егет коткарган. Россия Гадәттән тыш хәлләр министрлыгының Чувашия буенча идарәсе матбугат хезмәте шул хакта хәбәр итте.

Фаҗига 20 мартта иртәнге тугыз тирәсендә була. Бишенче сыйныфта укучы малай дәресләрдән качып, пристань тирәсендә йөри. Ул Иделдәге боз өстенә кереп китә. 12 яшьлек бала ярдан 10 метр чамасы ераклыкта боз астына төшеп, бата башлый. Ул ярдәм чакырып кычкыра. Бу хәлне Чувашия буенча Гадәттән тыш хәлләр министрлыгының Новочебоксарск участогы җитәкчесе Юрий Каргин күреп ала. Бу вакытта Каргин елга яры буйлап патрульдә йөри торган була.

Коткаручы ир-ат бала янына шуышып килә һәм малайга махсус җайланма бирә. Александров очлыгы дип аталган бу җайланма кешене судан тартып чыгару өчен кулланыла. Бала бауны үзе эләктерә алмый. Аның куллары өшеп каткан була инде, ул кулы белән эшли алмый.

Юрий Каргин узып баручы егетләрне чакыра һәм 112 номерына шалтыратырга куша. Ул Александров очлыгының бер башын шушы егетләргә тапшыра. Үзе юка боз өстеннән шуышып бала янына якынрак бара. Коткаручы судагы балага баудан ясалган элмәкне кидерә һәм тартып чыгара.

Бишенче сыйныфта укучы малайны хастаханәгә озатканнар, диелгән әлеге хәбәрдә.


  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла