Өч бала берьюлы янып үлгән

Бурятиядә янгында ике яшьлек ике бала, бер яшьлек сабый һәлак булган. Бу турыда Бурятия буенча Тикшерү комитеты матбугат хезмәте хәбәр итте.

Северобайкальскида кечкенә генә торак вагон янып беткән. Янгын вакытында бытовкада үзенең ике баласы һәм дустының бер баласы белән бер хатын-кыз булган.

Башлангыч мәгълүматлар буенча, янгын ут белән саксыз эшләгәнгә килеп чыккан. Шулай ук бу хатын исерек булган дигән хәбәр дә бар.