Бер егет ут капкан фатирдагы кешеләрне экскаватор ярдәмендә алып чыккан

6 июнь 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: https://vk.com/artyukhov_da, скриншот
Ямал-Ненец автономияле округындагы Гыда авылында эретеп ябыштыручы булып эшләүче ир-ат яна торган йорттан өч кешене коткарган. Ул бәлагә тарыган кешеләргә экскаватор белән ярдәм иткән. Бу турыда "Вести" каналы хәбәр итте. 

Янгын 29 майда Тазовский районының Гыда авылында була. Өч катлы йортның җылыткыч материалларына ут каба. Янгынны бер сәгать эчендә сүндерәләр. Яна торган йорттан алты кешене эвакуациялиләр. Беркем дә имгәнми. Йортның чарлагы һәм иллеләп тәрәзә рамы янып бетә. Бу турыда ЯНАО янгынга каршы хезмәт сайтында хәбәр ителә.  

Гадәти булмаган коткару турында ЯНАО губернаторы Дмитрий Артюхов "Вконтакте" челтәрендәге сәхифәсендә язган. Аның сүзләренчә, Игорь Няч исемле кеше күп катлы йортта янгын чыкканын күреп ала. Өченче каттагы фатирдан кап-кара төтен чыга. 28 яшьлек ир-ат тиз арада карар кабул итә. Ул экскаватор чүмеченә кереп утыра һәм өченче катка кадәр менә. Тәрәзәләрне ватып, фатирдагы өч кешене чыгара. 
 


Игорь Няч ике әбине һәм нәни кыз баланы үлемнән коткарып кала. Кешеләргә куркыныч янамаганын аңлагач, Игорь Няч янгын сүндерүчеләргә булышырга китә.

  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла