Башкортстанда әти кеше, сугышырга өйрәтәм дип, балаларын кыйнап, ачлыктан интектереп тоткан

5 март 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: pixabay.com
Ир кеше төн буе эчеп утыра, балаларга йокларга рөхсәт итми.

Башкортстанның Хәйбуллин районында яшәүче 38 яшьлек ир-атка карата җинаять эшен тикшерү тәмамланган. Бу кешене 13 һәм 11 яшьлек балаларын интектереп яшәүдә гаеплиләр. «Башинформ» агентлыгы шул хакта язды.

Төбәк буенча Тикшерү комитеты хәбәр иткәнчә, 2018 елда майдан августка кадәр гаилә әнисез генә яшәп тора. Хатын вахта буенча эшкә китә. Өйдә әти кеше, 13 яшьлек кыз һәм 11 яшьлек малай кала. Әни өйдә юкта, әти үз ысулларын куллана башлый. Ул балаларын кыйный, ач тота. Үзе төн буе аракы эчеп утырганда, балаларын да янында утырып торырга мәҗбүр итә, йокларга бирми.

Сугышырга өйрәтәм дигән сәбәп белән, әти кеше улын кыйный. Балалар атадан шулкадәр куркалар, әниләренә берни дә әйтмиләр. 

2018 елның август азагында кыз белән малай өйдән чыгып кача, алар әбиләре янына бара. Балалар әбигә барысын да сөйләп бирә. Әби исә балаларның әнисенә хәбәр итә. Шуннан соң хатын полициягә мөрәҗәгать яза. Шул вакыттан бирле әти кеше балалар белән бергә яшәми.

Шул ук елның сентябрендә бу ир-ат исерек килеш хатыны белән талаш чыгара. Көнли башлый, пычак ала һәм үтерү белән яный. Бу вакытта өйдә тагын бер хатын-кыз була. Ул дустын яклый. Көнче ир-ат тынычлана һәм чыгып китә.

«Гаепләнүче ир-ат җинаятьләрендә гаебен таныды. Эш судка тапшырылды», — дип хәбәр иткәннәр Тикшерү комитетыннан.


  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла