Банктан 20 миллион сумнан артык акча урлауда шикләнелүче хатынны Казанда тоткарлаганнар

5 июль 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: 02.мвд.рф
Башкортстанның Салават шәһәрендәге банктан 20 миллион сумнан артык акча урлауда шикләнелүче Луиза Хәйруллина исемле хатынны 4 июльдә Казанда тоткарлаганнар. Бу турыда Россия Эчке эшләр министрлыгы матбугат хезмәте хәбәр итте.

Россия Эчке эшләр министрлыгының Башкортстан Республикасы буенча җинаятьчеләрне эзләү идарәсе хезмәткәрләре, Башкортстан буенча ФСБ идарәсе оперативниклары һәм Татарстан Республикасы буенча Эчке эшләр министрлыгы хезмәткәрләре бергәләп Башкортстанның Салават шәһәрендәге банк кассасыннан акча урлауда шикләнелүче хатынның кайда булуын ачыклады, диелә бу хәбәрдә.

Әлеге җинаять турында полициягә 27 майда хәбәр итәләр. Коммерция оешмасы вәкиле банк кассасыннан 20 миллион сумнан артык акча югалуын әйтә. 

Оператив-эзләү эшләре вакытында бу җинаятькә банк хезмәткәре - кассир катнашы булуы ихтималы билгеләнә. 1983 елда туган хатын яшәгән урынга полиция хезмәткәрләре килгәндә, бу хатын ире һәм балалары белән чыгып качуы ачыклана. Әлеге хатынга карата җинаять эше ачыла. Аны кулга алу турында карар чыгарыла. 


"Бергәләп оператив-эзләү чаралары башкаргач, җинаятьтә шикләнелүче хатын Казанда качып ята дип фаразлыйлар. Бүген аны Казан шәһәрендә арендага алынган фатирда тоткарладылар. Хәзер оператив-тикшерү эшләре башкарыла. Урланган акчаларның кайда булуы ачыклана", - дип сөйләгән Россия Эчке эшләр министрлыгының рәсми вәкиле Ирина Волк 4 июльдә.

Җинаять эшен тикшерү дәвам итә. 

  • Башкортстанда банктан акча урлауда шикләнелүче Луиза Хәйруллина гаиләсенең машинасын Салават шәһәрендә тапканнар. Гаражда торган машина эчендә урын-җир кирәк-яраклары да булган. Гаилә гаражда качып яткан булуы, яки шунда качып торырга планлаштыруы ихтимал, дип хәбәр иткән идек.
  • Башкортстанның Салават шәһәрендәге Россельхозбанк бүлекчәсеннән акча урлап качкан Луиза Хәйруллинаны үле дип фаразлыйлар.  Криминалистлар аның туганнарыннан ДНК анализларын алган, дип 3 июльдә язган идек.

  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла