Балалар бакчасындагы ике тәрбияче сабыйларның теленә кнопка һәм энә белән кадап "тәрбияләгән"

26 апрель 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: pixabay.com
Красноярск өлкәсенең Канск шәһәрендә "Колосок" балалар бакчасында эшләгән тәрбиячеләр сабыйларны кнопка һәм энә белән кадап "тәрбияләгән". Бу турыда РИА Новости агентлыгына төбәк буенча Тикшерү комитеты идарәсе вәкиле Ольга Дегидь хәбәр иткән.

Ольга Дегидь сүзләренчә, 40 һәм 49 яшьлек ике тәрбияче сабыйларны җәзалауда һәм вазифаларын башкармауда гаепләнгән.

Тикшерүчеләр ачыклаганча, бу тәрбиячеләр 2016 елдан 2017 елның апреленә кадәр дүрт-биш яшьлек сабыйларның теленә, арт ягына, аякларына һәм кулларына, башка урыннарына кнопка һәм булавка энәсе белән кадаган. Алар балаларны шул рәвешле тәртипкә утыртмакчы булган.

Балалар әти-әниләренә кайтып сөйләгән. Алар "тәрбияче апаларның тәрбияләргә булыша торган "ярдәмчеләре" бар", дип әйткән.

Дегидь сүзләре буенча, тикшерү барышында да бу хатыннар үз гаебен танымаган. 

Суд ике хатын-кызны да гомуми режимлы колониягә дүртәр елга озатырга дигән карар чыгарган. Хөкем ителүчеләрне суд залында сак астына алганнар. Әлегә суд карары үз көченә кермәгән. 

  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла