Арча районындагы авариядә ике яшь кыз һәлак булган

Татарстанның Арча районында юл кырыена төшеп киткән иномаркада ике кыз һәлак булган. Бу турыда Татарстан буенча Эчке эшләр министрлыгы матбугат хезмәтенә сылтама белән «Татар-информ» агентлыгы хәбәр итте.

Казан-Малмыж юлының 87 нче километрында 17 ноябрь иртәсендә фаҗига була. 24 яшьлек егет идарә иткән «Киа» машинасы идарәсен югалтып, юл кырыена төшеп китә.

Авария вакытында машинада барган 20 һәм 24 яшьлек ике кыз һәлак була. 27 яшьлек ир-ат һәм 15 яшьлек яшүсмер имгәнә. Аларны хастаханәгә озаталар.