Алты һәм җиде яшьлек ике бала өй янындагы елгада батып үлгән

18 март 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Кемерово өлкәсендәге Прокопьевск шәһәрендә елгада ике бала мәете табылган. Аларга алты һәм җиде яшь булган. Бу турыда РИА Новости агентлыгы хәбәр итте. 

Төбәк буенча Тикшерү комитеты идарәсе «ялгышлык белән ике кешене үтерү» маддәсе буенча җинаять эше ачкан. Ведомствода хәбәр иткәнчә, алты һәм җиде яшьлек ике бала 17 мартта кичке якта югалган. Аларны өйләре янында елгадан табып алганнар.

Беренчел мәгълүматлар буенча, балалар шәхси йорт янында икесе генә уйнап йөри. Алар янында карап торучы олы кеше булмый. Кичке алты тирәсендә әни кеше балаларын эзли башлый. Сабыйларын таба алмаган ана полициягә мөрәҗәгать итә.

«Тикшерүчеләр фаҗиганең төрле версияләрен карый. Балалар таудан шуып төшеп китеп, туктала алмыйча, суга кереп китү ихтималы да бар. Бәлки балалар елга ярына бик якын килгәннәрдер һәм боз ватылып киткәндер. Җинаять эшен тикшергәндә, судмедэкспертиза билгеләнәчәк. Шул вакытта балаларның ни сәбәпле үлүе ачыкланачак», диелгән ведомство хәбәрендә.

Хәзерге вакытта урында тикшерүчеләр эшли.


  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла