25 яшьлек ана өч баласын еллар буена вәхшиләрчә газаплаган

28 март 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: pixabay.com

Башкортстанның Стәрлетамак шәһәрендә 25 яшьлек хатын үзенең өч баласын еллар буена кыйнап интектергән, ашатмаган, өйдән куып чыгарган. Хәзер аңа карата җинаять эше ачылган. Бу турыда «Башинформ» агентлыгы хәбәр итте.

1, 6 һәм 7 яшьлек балалар арендага алынган йортта әниләре һәм үги әтиләре белән тора. Полиция мәгълүматы буенча, 2017 елның февраленнән 2019 елның февраленә кадәр балалар коточкыч шартларда яши. Кечкенә генә гаеп өчен дә аларны киемсез-нисез урамга куып чыгаралар, ашатмыйлар һәм кыйныйлар. Балалар бакчага йөрми, ишегалдыннан читкә чыкмыйлар. Сабыйларның нинди газапта яшәгәне турында хәтта туганнары да башына китерә алмаган, диелгән бу хәбәрдә.

«Тикшерү барышында ана кеше бик озак вакыт дәвамында гаебен танымады. Бөтен җаваплылыкны бергә яши торган иренә күчереп маташты. Ләкин тикшерүчеләр ачыклаганча, нәкъ менә ана кеше балаларына карата вәхшиләрчә кыланган. Хәзерге вакытта балаларга опеканы әбиләре рәсмиләштергән. Ул сабыйларны үзенә алырга җыена. 25 яшьлек хатын беркая да чыгып китмәү турында имза куйды»», — дип сөйләгән Россия Эчке эшләр министрлыгының Стәрлетамак буенча идарәсе хезмәткәре Дарина Горчакова.

«Балигъ булмаган баланы тәрбияләү буенча вазифаларны башкармау» маддәсе буенча җинаять эше ачылган. Бу хатын белән бергә яши торган ир-ат турында да белешмә җыялар. Ул да балаларны даими рәвештә кыйнамады микән, дип шикләнәләр.


  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла