Мәскәү өлкәсендә 17 яшьлек егет котыру чиреннән үлгән, дип хәбәр итә "Московский комсомолец" газетасы.
Егет тумышы белән Таҗикстаннан булган, диелә хәбәрдә.
Егет үзен бер хайван да тешләмәгәнен әйтә. Табиблар фаразынча, ул котыру чирен Таҗикстанда булганда, ягъни бер ел элек иярткән. Егет, мөгаен, шәрә аягы белән котыру чире белән авырган хайванның төкерегенә баскандыр, дип фаразлана. Вирусның организмга микрочатнаулар аркылы да керергә мөмкин булуы хәбәр ителә.
"Егетне коткарып булмаган. Аны көзән җыера башлаган, аннан соң тамак мускулатурасы эштән чыккан, паралич булган", - диелә хәбәрдә.