Хаски этләре дүрт яшьлек баланың кулын иңбашыннан чәйнәп өзгән

11 март 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: pixabay.com

Американың Юта штатындагы Лейтон шәһәрендә хаски токымлы ике эт дүрт яшьлек малайның кулын чәйнәп өзгән. Бу турыда The Daily Mail басмасына сылтама белән «Вести» хәбәр итте.

Бала үзе генә өй тирәсендә уйнап йөри. Аның янында өлкәннәр булмый. Күрше йортта койма аша гына Полярный һәм Медведь кушаматлы ике эт яши. Сабый бала кулын койма ярыгыннан гына күршеләрнең бакчасына кертә. Малайның кулында оекбаш та була.

Этләр баланың кулын уенчык дип кабул иткән булуы ихтимал. Хайваннар баланың кулын тешли, йолкый башлый. Бер мизгелдә этләрнең кайсысыдыр баланың кулын өзелерлек итеп тешләп тарта. Шулай итеп сабыйның кулы иңбашының берникадәр өлеше белән бергә өзелеп чыга, диелгән әлеге хәбәрдә.

Малайны вертолет белән хастаханәгә китерәләр. Хәзерге вакытта аның хәле бик катлаулы һәм стабиль.

Этләрне исә ун көнлек карантинга япканнар. Аларда котыру авыру юкмы икәнен ачыклыйлар. Этләрне йоклатып үтерүләре ихтимал. Бу турыда карарны суд кабул итәчәк. Хәзерге вакытта интернетта этләрне йоклатып үтерүгә каршы онлайн петиция бара. 180 меңнән артык кеше баланы имгәткән этләрне үтерүгә каршы имза куйган инде.


  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла