Россиягә аномаль салкыннар килә

8 январь 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: Михаил Захаров
Россиягә аномаль салкыннар килә. Декабрь уртасында Себердә аномаль суыклар күзәтелгән иде. Гыйнварда Үзәк Россия һәм Идел буенда түбән температура климатик нормадан ун градуска түбәнрәк булачак, дип яза Газета.ру. 

Якын арада Самара, Ульяновск, Оренбург өлкәләрендә бик салкын ублачак. 7-11 гыйнварда уртача температура күпьеллык нормаларга караганда -9 градускаһәм аннан да түбәнрәккә төшәчәк. Төнлә -28гә кадәр төшүе күзәтелә. Көндез исә -20 булачак. 

Идел буенда, шул исәптән гыйнвар температурасы уртача -10 градус тәшкин итә. 

Ульяовскида -26 градус, көндез -17 булуы көтелә. 

Самара һәм Ульяновск янындагы өлкәләрдә -13, әмма озакламый - 17, - 22 градуска, аяз вакытларда -23, - 28 төшүе күзәтелә. Көндез -13, -18 градус булачак дип хәбәр итә Татарстан гидрометеорологлары.

Түбән Новгородта гыйнвардагы уртача температура -9 градус тәшкил итә. Өлкәдә төнлә -15, -20 градуска, кайвакытларда -26га кадәр, көндез -10, -15 градуска кадәр суытуы күзәтелә. 

Пензада төнлә -13, -18 градуска, көндез -11, -16 градуска кадәр суыта. Саратовта төнлә -18, -23 градус, аерым урыннарда -25, -27 градус, көндез -13, -18, Иделнең сул ярында -23 градуска кадәр суытачак. 

Үзәк Россиядә -21, -23 градуска кадәр суыта. Брянск, Владимир, Тула, Рязань өлкәләрендә көндез -11 градустан -17 градуска кадәр була, төнлә -23кә кадәр суыта. 

Быел декабрьдә Себердә аномаль салкыннар күзәтелде.

Иркутскида -47 градус, Томскида -42, Красноярскида -45 булды. 

Аномаль салкыннар нәтиҗәсендә Бурятиядә өлкән яшьтәге бер ханым туңып үлде. Социаль приютта булган ханым төнлә запас ишектән тартырга чыга һәм ишектән керә алмыйча урамда туңып үлә. 

Декабрь аенда Түбән Камада да өч җитди өшү очрагы теркәлде. Мунчадан соң урамда йөргән ир аягының өшегәнен сизмәгән дә. Нәтиҗәдә аның аяк бармакларын кискәннәр, дип хәбәр итә НТР 24 каналы. 

Өшүнең беренче билгесе - тиренең ак төскә керүе. Беренче чиратта бармаклар, борын, колак һәм бит уртасы өши. Өшегән урынны кайнар су белән җылытырга һәм кар белән ышкырга ярамый. Акрынлап җылытырга кирәк.

  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла