12 апрельгә һава торышы һәм ай календаре
12 апрельгә һава торышы һәм ай календаре
12 апрельдә Татарстанда алмашынучан болытлы һава торышы булачак. Төнлә явым-төшемнәрсез. Көндез урыны белән бераз яңгыр явачак. Җил көньяк-көнбатыштан, юнәлешен төньяк-көнчыгышка үзгәртүчән, уртача тизлектә. Төнлә һава температурасы +2..+7˚, көндез +11..+16˚, көньяк районнарда +20˚ градус.
12 апрель.
Үсүче ай. Ай кысла йолдызлыгында.
Яшелчә бакчасы
Яшелчәләрнең яфракларын йолку өчен уңышсыз чор. Үсемлекләрне сугару, минераль ашламалар белән ашлау өчен уңай вакыт. Рассада өчен кабак, тәмләткеч үлән орлыклары сибү. Рассада өчен кыяр утырту.
Чәчәк түтәле
Декоратив агач һәм куакларны кисәргә ярамый. Бүлмә гөлләренең һәм чәчәкләрнең яфракларын йолку өчен уңышсыз чор. Декоратив агач һәм куаклар утыртырга, күчереп утыртырга була.
Җиләк-җимеш бакчасы
Агач һәм куакларны кисәргә ярамый. Сугару һәм минераль ашламалар кертү өчен уңай вакыт. Агач һәм куаклар утыртырга һәм күчереп утыртырга була.
