Салават Фәтхетдинов

1960 елның 10 гыйнварында Башкортстанның Тәтешле районы Аксәет авылында туган. Мәктәпне тәмамлагач Стәрлетамак мәдәни агарту училищесында белем алган, берничә ел клуб мөдире булып эшләгән. Аннары Казан мәдәният институтының режиссерлар әзерләү бүлегенә укырга керә һәм 1989 елда тәмамлый. Шул ук елны "Татар җыры-89" конкурсы лауреаты була. Салаватка «Русия Федерациясенең атказанган артисты», «Татарстан Республикасының халык артисты» исемнәре бирелә, Тукай премиясе һәм Муса Җәлил премиясе лауреаты була. Моннан тыш, ул гер спорты буенча спорт мастерына кандидат, автоспорт буенча халыкара класслы спорт мастеры титулларына да ия.

Русия Федерациясенең атказанган артисты (1991 ел)
Татарстанның халык артисты (1995 ел)
Башкортстанның атказанган артисты (2010)
Ә. Атнабаев исемендәге премия лауреаты (2010)
«Татар җыры» халыкара эстрада фестивале лауреаты (1989, 2002—2009).
М. Җәлил исемендәге премия лауреаты (2003).
Г. Тукай исемендәге премия лауреаты (2008).