Раяз Фасыйхов

Раяз Фасихов 1983 елның 8 июлендә Балтач районының Нөнәгәр авылында туа.

Арча педагогия көллиятендә белем ала, 2008 елда Татар дәүләт гуманитар-педагогика университетын тәмамлый, соңыннан Казан дәүләт мәдәният һәм сәнгать институтына укырга керә.

Арча көллиятендә укыган вакытында Раяз Фасихов Марсель Фәйзрахманов җитәкчелегендәге «Арча егетләре» ансамблендә гармунчы була, әз-мәз җырлый да.

Көллиятне тәмамлагач Айдар Фәйзрахманов аны үз төркеменә чакыра. Анда 3 ел эшләгәннән соң «Барс-Медия» Раязга сольный проект тәкъдим итә.

«Татар җыры – 2009» бәйгесендә Раяз Алтын Барска лаек була. «Татар җыры»ның икенче көнендә Илһам Шакиров белән “Идел буе каеннары”н башкара.

Шулай ук Венера Ганиева белән дә дуэт башкара.

Шулай ук Раяз “Язмыш шуклыгы” фильмында төшә.

2009 елда “Ярат әле” дип исемләнгән беренче җыентыгын чыгара.