Рафаэль Ильясов

1939 елның 28 апрелендә Чүпрәле районы Түбән Чәке авылында туа. 1964 елдан ТАССР МШ каршындагы радиотапшыру һәм телевидение комитетында (1992 елдан «Татарстан» ДТРК): өлкән мөхәррир, музыкаль тапшырулар мөдире.

«Олы юлның тузаны», «Тәфтиләү, «Сандугач», «Уел», «Камәр», «Урман», «Галиябану», «Хәмдия», «Рәйхан», «Юксындырсаң, нишләрмен?» (М.Макаров музыкасы, Х. Туфан сүзләре), «Сагынам, дуслар, илкәйне” (Ф.Кудашева музыкасы, халык сүзләре) әсәрләрен чын халыкчан традицияләр нигезендә, академик сәнгать югарылыгындагы таләпләргә туры китереп башкара ул. Сулыш иркенлеге, мелизмнар төгәллеге, башкару экспрессиясе белән табигый рәвештә үрелеп бара.

ТАССРның атказанган сәнгать эшлеклесе (1984).

ТССРның халык артисты (1991).