Клара Зиннәтуллина

Клара Зиннәтуллина Актаныш районы Иске Симестрау авылында укытучылар гаиләсендә туа. 1958нче елда ул Казан дәүләт университетының тарих-филология факультетын тәмамлый. Галимә 1965нче елдан бирле КДПИның татар факультетында эшли һәм анда декан вазифасын да үти. Аның фәнни хезмәтләре татар тел белеме, татар һәм рус телләренең чагыштырма типологиясенә карый. К.Зиннәтуллина — «Татар теле грамматикасы» авторларыннан берсе.

1986нчы елда галимә РСФСР мәгарифе отличнигы исеменә лаек була. Ул — берничә дистә монография, мәктәпләр, югары уку йортлары өчен дәреслекләр һәм программалар, шулай ук йөздән артык фәнни һәм фәнни-методик юнәлештәге хезмәтләр авторы.