Язманы тыңлагыз

Гөлзада Бәйрәмова

шагыйрә, язучы

1963 елның 26 февралендә Татарстанның Саба районы Сабай авылында дөньяга килә. 1970-1974 елларда әлеге авылның башлангыч мәктәбендә, 1974-1980 елларда Олы Шыңар урта мәктәбендә белем ала. 1980-1985 елларда Казан дәүләт университетының журналистика бүлегендә укый. 1987-1989 елларда милли китапханәдә, 1989 елдан «Казан утлары» журналы редакциясендә эшли.

Гөлзадә Бәйрәмованың шигырьләре, әдәбият-сәнгатькә караган мәкаләләре көндәлек матбугатта даими басылып килә. Шагыйрә проза өлкәсендә дә каләмен сынап карый.

Г.Бәйрәмова – 2007 елдан Татарстан Язучылар берлеге әгъзасы.

ТӨП БАСМА КИТАБЫ

Әле кайчан гына…: шигырьләр. – Казан: Идел-Пресс, 2006. – 126 б. – 1000 д.

* * *
Мин Тукайга киләм: шигырьләр / төз. Г.Бәйрәмова. – Казан: Татар. кит. нәшр., 1996. – 192 б. – 3000 д.