Гали Рәфикый

Гали Лотферахман улы Рәфиков (1890-1945), журналист, язучы, педагог, тәрҗемәче. 1911 елдан “Вакыт” газетасы, “Аң”, “Ак юл” журналларында языша. 1917 елдан соң БААССР да пед.эштә, ш.и. Бәләбәй татар-башкорт пед.техникумында. “Башкортстан”, “Яңа авыл” газеталары, “Белем”, “Культура революциясе”, “Башкортстан укытучысы” журналларында мәкаләләрен бастыра. “Алатау буйларында” (1913), “Вакытлы никах” (1913), “Артык кеше” (1914) һ.б. очерк җыентыклары һәм хикәяләр авторы. И.С. Тургенев, А.И. Куприн әсәрләрен татар теленә тәрҗемә итә.

Татар энциклопедиясе сүзлеге. Казан Татар Энциклопедиясе институты 2002.