Алсу Сафина

Ул 1983 елның 27 июнендә Татарстан Республикасының Бөгелмә шәһәрендә туган. Әтисе Сафин Ралиф Рафил улы - "ЛУКойл" нефть компаниясенең беренче вице-президенты. Әнисе Разия Исхак кызы - мигъмар.

Рәсәйдә чакта музыка мәктәбе тәмамлый. 1993 елдан бирле Лондонда икенче абыйсы Марат гаиләсендә яшәгән. 11 җырдан торган "Алсу" дип исемләнгән беренче альбомын 1999 елда чыгарган. Ә беренче видеоклипы ("Зимний сон" - "Кышкы төш") 1999 елның 1 февралендә дөнья күрә һәм тиз арада MTV каналында да күрсәтелә.

2000 елның 13 маенда Швециядә узган «Евровидение-2000» Халыкара эстрада җырлары бәйгесендә II урын ала.

Шул ук елны аңа Татарстан Республикасының атказанган җырчысы исемен бирәләр, Бөгелмә шәһәренең "мактаулы гражданы" исемен йөртә. Белгечлеге буенча - "мигъмар-дизайнер".

Бүләкләре, мактаулы исемнәре
2000 — Eurovision-2000 дә икенче урын
2000 — Татарстанның атказанган артисты
2000 — Бөгелмәнең шәрәфле ватандашы
2010 — Татарстанның халык артисты
2011 — Тынычлык өчен ЮНЕСКО артисты
2018 — РФ атказанган артисты