Республика ифтары: җиденче тапкыр үткәреләчәк мәҗлес хакында 10 факт

18 май 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Автор: Лилия ЛОКМАНОВА
Фото: Рамил Гали/архив "Татар-информ"
25 май көнне "Казан-Арена" стадионында чираттагы Республика ифтары узачак. Шул уңайдан, "Татар-информ" мәгълүмат агентлыгында бу изге гамәлне оештыручылар белән матбугат конференциясе узды. Ифтарга кагылышлы кызыклы фактларны укучыларыбызга да тәкъдим итәбез. 
1. Республика ифтары быел 7 нче тапкыр үткәрелә. Чарада 15 мең кеше катнашуы көтелә. Сүз уңаеннан, беренче ифтарда 2,5 мең кеше катнашкан. Узган ел исә 10 мең кешелек мәҗлес оештырылган иде.

2. Ифтарда быел 1 мең волонтер хезмәт күрсәтәчәк. Аларны туплау хәзер дә дәвам итә. Волонтер булу өчен ураза тоту-тотмау шарт итеп куелмый. Республика ифтарына үзеннән өлеш кертергә теләгән 16 яшьтән өлкәнрәк һәркем дә әлеге эшне башкара ала. Быелгы ифтарда катнашачак иң өлкән волонтерга 79 яшь.

3. Республика районнарыннан барлыгы 2,5 мең кеше катнашуы көтелә. Аларның Казанга килүен җирле мөхтәсибәтләр оештыра. Районнардан дин әһелләре генә түгел, ә күп балалы гаиләләр, физик мөмкинлекләре чикле кешеләр дә киләчәк.


4. Республика ифтарына билетларны Татарстан мөселманнары Диния нәзарәтеннән, мәчетләрдән, "Туган авылым" комплексында көн саен уздырыла торган ифтарлардан соң алырга мөмкин.

5. Ифтарга чакырган билетларда махсус тамгага игътибар итәргә кирәк. Чөнки хатын-кызлар стадионга Ямашев урамы ягындагы ишектән, ә ир-атлар Чистай урамы ягыннан керәчәк.


6. Ифтарга билетлар белән эләгә алмаучылар өчен оештыручылар бер мең ланч бокс әзерләячәк. Былтыр 250 ланч бокс әзерләнгән булган, әмма алар таратылып бетмәгән.

7. Быел ифтарга килүчеләргә су белән бергә, махсус әзерләнгән бүләкләр тарату күздә тотыла. Шулай ук, ашалып бетмәгән ризыкны үзең белән алып китәргә, яисә өстәлдән күчтәнәч алу рөхсәт ителәчәк.

8. Ифтарда меню быел да, узган елдагыдан бик аерылмаячак. Кунаклар өчен хөрмә, җиләк-җимеш, яшелчәләр, чәкчәк, баллы ризыклар,су, соклар, конфетлар, ит ризыклары әзерләнәчәк. Шулай ук пылау пешерү ниятләнә.


9. Пылау әзерләү өчен барлыгы 1,3 тонна дөге, 15 мең кисәк чәкчәк, 600 кг конфет, 600 кг колбаса алынган. Моннан тыш, 15 мең өчпочмак, 15 мең беккән, 850 кг алма, 700 кг груша, 750 кг әфлисун һ.б. ризыклар әзер.

10. Ризыклар кеше башына уртача 500 сум исәбеннән санала. Әмма Республика ифтарын уздыру күпмегә төшүе сер булып саклана.


  Без Инстаграмда

Фикерләр








Җәмгыять

Бүгенге җәмгыять һәм мөселман балаларына белем бирүдәге кыенлыклар: Англиядә дә кыен, бездә дә хәл ителеп бетмәгән

КФУның Ислам һәм Ислам мәгарифен үстерү буенча ресурс үзәге “Мультимәдәни дөньяда ислам” Казан халыкара ислам фәнни форумы кысаларында “Гомуми белем бирү системасында мөселман гаиләләреннән булган балалар: Россия һәм халыкара тәҗрибә” конференциясе оештырды. Конференциядәге кайбер чыгыш ясаучыларның фикерләрен “Интертат” укучыларына җиткерәбез.

Дин

Хаҗилар изге сәфәргә кузгалды: Рөстәм хәзрәт Вәлиуллин сәфәр алдыннан нәрсә киңәш итә

Юлдашларың белән ачуланышмаска, сабыр булырга, ярдәм итәргә – шушындыйрак киңәшләрне куен дәфтәрләренә теркәп, хаҗилар юлга кузгалды. Кичә Татарстаннан дүрт төркемгә бүленеп, барлыгы 196 кеше киткән. Алар Мәскәүдән Согуд Гарәбстанына оча. Бүген исә Казан аэропортыннан 49 кешелек төркем Хаҗ сәфәренә юл алды. Алар башта Мәскәүгә, аннары Дубайга оча. Дубайдан ике тәүлеккә якын Мәккәгә кадәр автобуста барачаклар. Аларны Татарстан мөфтиенең беренче урынбасары Рөстәм хәзрәт Вәлиуллин хәер-фатихасын биреп, киңәшләрен әйтеп озатып җибәрде. 

Җәмгыять

Күп хатынлы гаиләдә икенче хатын булып яшәү… ул ничек? Бәхетле икенче хатын белән әңгәмә

Ачыктан-ачык үзләре турында сөйләмәсәләр дә, Татарстанда күп хатынлы гаиләләр арта бара. Исемен әйтергә теләмәгән бер ханым "Интертат"ка үзенең икенче хатын статусындагы тормышы хакында сөйләде. Аның ике баласы бар, беренчесенә ун, икенчесенә бер яшь.

БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла