Камил хәзрәт Сәмигуллин: Ислам динендә дүрт өлкән фәрештә бар

20 июль 2017

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Нурдан бар ителгән фәрештәләр гаять зур көчкә ия. Алар ару-талуны белми, гөнаһ кылмый һәм бары тик Аллаһы Тәгаләгә буйсына.
Фәрештәләр шулкадәр күп ки, төгәл санын беркем дә әйтеп бирә алмаячак. Аллаһы Тәгалә фәрештәләрне Үзенә табыну һәм Галәмдә үз функцияләрен үтәү өчен яралткан. Үзләрен күрмәсәк тә, без аларга ышанабыз, чөнки Аллаһы Тәгалә безгә шуны әмер иткән һәм аларның барлыгын белдергән.
Фәрештәләр һәм хайваннар сынауга дучар ителмәгән. Шул ук вакытта кешеләр һәм җеннәр өчен тормыш үзе сынау булып тора. Шайтаннар шулай ук сынауга дучар ителгән, әмма алар тора-бара бөтенесе дә дәһри булып киткәннәр. Барлык шайтаннарның башлыгы – Иблис.
Кешеләр һәм хайваннар – туфрактан, җеннәр һәм шайтаннар уттан яратылган.
Фәрештәләр исә нурдан бар ителгән. Алар ашамый-эчми, кием кими, ару-талуны белми, алар ир-ат та, хатын-кыз җенесеннән дә түгел, гөнаһ кылмыйлар һәм үзләренә тапшырылган барлык эшне карусыз үтиләр. Фәрештәләрнең саны чиксез күп, Аллаһы Тәгаләдән башка, аларның төгәл исәбен беркем дә белми.

Дүрт өлкән фәрештә

1. Җәбраил галәйһиссәлам: Аллаһы Тəгалə һәм кешеләр арасындагы илче.
4. Газраил галәйһиссәлам: үлем фәрештәсе, үлгәннəрнең җаннарын алу өчен җаваплы.
2. Микаил галәйһиссәлам: табигать күренешләре, мəсəлəн: җил, яңгыр, иген-тару һ.б. өчен җаваплы.
3. Исрафил галәйһиссәлам: сурга өреп Ахырзаман башлануы һəм кешелəрнең Кыямəттə кабат терелүлəре өчен җаваплы.

Башка фәрештәләр:

Кирамəн-Кəтибин – кешеләрнең яхшы һәм начар гамәлләрен язып баручы фәрештәләр.
Мөнкир белән Нәнкир − кабердә үлгән кешедән җавап алучы фәрештәләр.
Хафаза - сакчы фəрештəлəр.
Ризван галәйһиссәлам − Оҗмахта баш фәрештә.
Мәлик галәйһиссәлам − Тәмугта баш фәрештә.
Зобани галәйһиссәлам – Җәһәннәмдә гөнаһлыларны җәзага тартучы фәрештә.

КАМИЛ ХӘЗРӘТ СӘМИГУЛЛИН: ИМАН НӘРСӘ УЛ?


Дәвамы бар.

Фикерләр








Дин

Мәүлид бәйрәме якынлаша: “Бу көнне бер тапкыр салават әйтсәң, Аллаһы Тәгалә синең өчен унны әйтер”

19 ноябрь - Мәүлид бәйрәме, Пәйгамбәребез Мөхәммәд (с.г.с.) дөньяга килгән көн. Бу көн - мөселманнар өчен Корбан һәм Ураза гаетләре кебек үк зур бәйрәм. Аны ничек үткәрергә? Мәүлид ашын бәйрәм көнендә уздыра алмасаң, ни була? Нинди догалар укырга? Таба ашлары пешерергәме? Бу хакта Казанның “Гаилә” мәчете имам-хатыйбы, “Татар-информ”ның якын дусты Рөстәм хәзрәт Хәйруллин белән сөйләштек.

Дин

Хатын-кыз ир-аттан күбрәк акча эшли аламы? Рөстәм хәзрәт Хәйруллин аңлатмасы

Ислам дине буенча, ир-атка гаиләсен тәэмин итү бурычы куелган. Кайбер муллалар, хатын-кыз, гаилә тынычлыгы өчен, берничек тә иреннән күбрәк акча эшли алмый дип саный. Хатын-кызларга бизнес төзергә ярыймы икән соң? Акча мәсьәләсенә килеп терәлгәч, ир белән мөнәсәбәтләр үзгәрерме? Мөслимәләрнең бу һәм башка сорауларына “Гаилә” мәчете имам-хатыйбы Рөстәм хәзрәт Хәйруллин җавап бирә.

Дин

"Остазларның кадерен бел, остазларның каберен бел”. Яңа Татар бистәсе зиратының юл күрсәткече эшләнде

Казанның Яңа Татар бистәсе зираты XVIII гасырның урталарында бистә белән бер үк вакытта барлыкка килгән. Ислам динен кабул итүгә 1000 ел исемендәге Казан югары мөселман мәдрәсәсе директоры Ильяс хәзрәт Җиһаншин шушы зиратның юл күрсәткечен төзегән. Хәзрәт “Татар-информ” мәгълүмат агентлыгы хәбәрчесенә зиратның татар халкы өчен никадәр әһәмиятле икәнен сөйләде. 

БАШКА ЯҢАЛЫКЛАР

Интертат.ру / Intertat.ru © 2001 - 2018 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла