Актаныштан Ләес хәзрәт Галләмов: Хаҗга китәр алдыннан гына инсульт бәрде

28 август 2018

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Автор: Данил СӘФӘРОВ
Быел Татарстаннан 1800гә якын мөселман хаҗ сәфәрендә. Бүген алар Мәккә каласында. Татарстанлыларның бер өлеше изге җиргә Мәдинә шәһәре аша барды, икенче бер өлеше, киресенчә, Мәккәдән Мәдинәгә юл алачак.

Хаҗ гыйбадәтләре инде тәмам. Мина җирлегендә яшәү, Гарәфә үзәнлегендә дога кылу, Мөздалифәдә ачык һавада төн кунулар артта калды. Бүген милләттәшләребез чын хаҗи исеменә ия. Мәккә шәһәрендә бүген кемдер туган-тумачасы, әрвахлары өчен гомрә кыла, Кәгъбәтулла тирәли тәваф башкара.

Татарстанлылар арасында инде берничә тапкыр хаҗ кылучылар да бар. Әйтик, Актаныштан Ләес хәзрәт Галләмовның изге җирләргә өченче тапкыр килүе. 

- Беренче тапкыр ерак 1998 елда хаҗ кылган идем. Ул вакытта хаҗ кылучылар әле күп түгел иде. Кәгъбәтуллага якын әйләнештә генә кеше шактый иде, өтеш-төртеш юк, ераграк әйләнеш буш иде. Намазны да теләсә кайсы җирдә утырып укыдык, - дип сөйләде ул “Татар-информ”га.

Ләес хәзрәт беренче хаҗын Согуд Гарәбстаны короле чакыруы буенча башкара. Татарстанда милли күтәрелеш чоры була бу. Нәкъ шушы елда король республикабызга 200 кешелек юллама бүләк итә. Юлы, яшәве, ашавы – барысы да кергән.

- Икенче тапкыр хаҗ кылырга 2007 елда насыйп булды. Ул чакта үзебез бардык. Һәм менә 2018 елда Татарстан Президенты ярдәме белән килдем, - дип сөйли хәзрәт.

Бу юлы Ләес әфәнде хәләл җефете Мәхрәмә апа белән барырга булган. Хатыны белән төрле төркемнәрдә булу сәбәпле, төрле юллар аша килгәннәр. Ләес абый Казан-Мәдинә-Мәккә маршруты белән килсә, Мәхрәмә апа Истанбул, Җиддә, Мәккә, Мәдинә шәһәрләре аша сәфәр кыла. Әмма Мәккәдә алар бергә яшәделәр.


Хаҗ алдыннан - инсульт!

Хаҗ алдыннан сынаулар да булмый калмый диләр. Галләмовлар гаиләсенә дә кагылган бу. Инде юлламалар алынып, чемоданнар әзер булды дигәндә генә Ләес хәзрәтне инсульт бәрә. Актаныш табиблары абзыйны хаҗга җибәрер өчен бөтен көчләрен куйганнар. “Сакалыннан сыйпый-сыйпый яратып дәваладылар, син, һичшиксез, хаҗга исән-сау барып кайтырга тиеш, бабай”, - дип әзерләделәр Ләесне, дип сөйли Мәхрәмә апа.

9нчы август көнне Ләес хәзрәткә соңгы даруны кадыйлар, 10сы көнне ул аэропортка чыгып китә. Хаҗ юлындагы сынаулар – олуг гыйбадәтнең аерылгысыз бер өлеше. Ләес абзыйның һәм Мәхрәмә апаның хаҗлары кабул булсын! Актаныштагы туган йортларына исән-имин генә әйләнеп кайтсыннар.


  Без Инстаграмда

Фикерләр








Дин

Имам-хатыйб ирләрнең кул күтәрүе турында: "Кайбер хатын-кызга сугу “булыша"

“Кыйный, димәк, ярата” дигән гыйбарәне еш ишетергә туры килә. Психологлар әйтүенчә, Россиядә меңләгән хатын-кыз даими рәвештә җәбер-золым кичерә. Кайберәүләр "балабыз әтисез үсмәсен " дип түзеп яши, башкалар гаиләне берүзе тәэмин итә алмавы аркасында аерылышуга бармый. Бу вәзгы­ятьне уңай якка үзгәртеп буламы? Ни өчен кайбер ир-атлар кул белән “уйнарга” ярата? Әлеге сораулар белән “Туган авылым” мәчете имам-хатыйбы Нурулла хәзрәт Зиннәтуллинга мөрәҗәгать иттек. 

Дин

"Кыз балага чәй эчертерлек тә акчасы булмаган егетләрне, мәһәр белән куркытып, өйләндерми калу хәерле"

"Без яшь чакта болай түгел иде". Хәзер үкенеч катыш ризасызлык белдергән бу сүзләрне никах мәҗлесләрендә еш ишетергә туры килә. Никах укытуның да үз таләпләре бар. Аңа ике якның да әзер булып, яшьләрнең никахның, гаилә коруның бөтен асылын аңлаган хәлдә керешүе кирәк. Таләпләр арасында иң четереклесе – мәһәрдер, мөгаен. Никахта кәләшкә мәһәр бирелергә тиеш. Тик яшь гаиләләрнең күбесе мәһәр турында берни дә белми, аңа уен итеп карыйлар, ул хакта белмәдем, диләр.

Дин

“Зина кыласыбыз килми, никах укытыйк, әмма кеше бу хакта белмәсен, диләр”

Татарстан Диния нәзарәте “Гыйбадәт кылулар турында Нигезләмә”нең яңа басмасын кабул итте. Ул - иман (гакыйдә) һәм гамәл (фикыһ) мәсьәләләрен яктырта. Нигезләмәдә җомга намазын үткәрү тәртибе, корбан чалу, зәкят бирү, никах-талак, балага исем кушу, өчесе-җидесе-кырыгы үткәрү турында сүз бара. Нигезләмә хакында Диния нәзарәте вәкилләре “Татар-информ” мәгълүмат агентлыгында матбугат җыелышында журналистларга сөйләделәр. 

БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла