Замана чирләре - хәзерге балаларда иң еш очрый торган авырулар

12 июль 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: pixabay.com
Хәзерге балалар турында сөйләгәндә, башка иң беренче килгән уй: “алар гел телефонда утыра”. Бу хакта табибларда, галимнәр дә, журналистлар да, әти-әниләр дә сөйли. Әмма вазгыять үзгәрми диярлек. Балалар интернетта кирәкле мәгълүматны да, гел кирәкмәгәнен дә эзләүләрен дәвам итә. Кемнеңдер акыл үсеше туктала, ә кемдер халыкара мәгълүматны үзенә сеңдерә. Әлеге очракларда балада сәламәтлек белән проблемалар килеп чыгарга мөмкин.

Начар йокы

Галимнәр ачыклаганча, смартфоннарга бәйлелек йокысызлыкка китерергә мөмкин. Бала йокларга яткач, еш кына аның йокысы ачыла һәм интернеттан берәр кызыклы әйбер эзли башлый. Мондый мавыгу аркасында бала еш кына иртәнгә таба гына йоклап китә. Ә соңыннан мәктәпкә бара алмый. Бала йокларга ятканда гаджетның кайда булуын тикшерергә киңәш итә белгечләр. Телефон белән йокы арасында кимендә ике сәгать аерма булырга тиеш. Бу вакыт эчендә бала игътибарын читкә юнәлтә һәм йокыга әзерләнә ала.

Баш бармак авыртуы    

Смартфон белән даими кулланганда, күп язышканда баш бармак бик нык авырта башлый. Хәзерге вакытта бу авыру яшүсмерләр арасында киң таралган. Чөнки аларга язышып аралашу күпкә кызыклырак. Табиблар махсус сенсор таякчыклар кулланырга яки чын аралашуга күчәргә тәкъдим итә. Шулай иткәндә авырудан котылып була.

Хәтер белән бәйле проблемалар

Бала теләсә нинди мәгълүматны бернинди авырлыксыз интернетта таба ала. Шуңа күрә аның хәтерләү рефлексы тулы көченә эшли алмый. Ул бары тик кайда керергә һәм нәрсә сорарга икәнен генә исендә калдыра. Мондый алым баш мие эшчәнлегенә тискәре йогынты ясый һәм организмның иртә картаюына китерә.

Күп вакытларын гаджетлар белән уйнап уздыручы кызлар һәм малайларның киләчәктә балага узу белән проблемалары булырга мөмкин дигән фикер дә бар. Бу фикер әле өйрәнү этабында гына, әмма баланың сәламәтлеген куркыныч астына куярга кирәкми.

Тагын бер киң таралган гипотеза – бу тире катламы һәм баш мие яман шеше барлыкка килү. Күп телефоннар авыр металлар катнашмасы белән яки сыйфатсыз пластик белән капланган. Бу матдәләр тире белән контактка кереп аллергия, кычыту һәм тире авырулары чыгара. Ә алар исә онкологиягә башлангыч бирергә мөмкин. 

  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла