Сезонлы аллергияне ОРВИдан ничек аерырга?
ДРКБның аллергология бүлеге җитәкчесе Гөлнара Зәйнетдинова җавап бирде.
- Гадәттә, сезонлы аллергия апрель-май айларында, агачлар чәчәк ата башлаган чорга туры килә. Аллергия билгеләре дә шушы чорда күренә: томау төшә, күздән яшь ага, тамак төбе кытыкланып тора, төчкертә. Сезонлы аллергиянең вирус инфекциясеннән төп аермасы шунда: тән температурасы күтәрелми. Аллергия реакциясендә тән температурасы катнашмый.