Помидорда фитофтора булмасын, салкын тимәсен өчен нишләргә?

4 август 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: pixabay.com
Бакчада үсеп торган помидорларны салкыннан саклау, авыруларны дәвалау турында киңәшләр "Челнинские известия" сайтында чыкты.

Ачык грунтта үскән помидорлар салкын вакытында аеруча ныграк зарарлана. Алар өстенә пленкадан каркас ясап куярга була. Пленка урынына яктылык үткәрә торган башка берәр материал куллансаң да ярый.

Яңгырлы һавада томатларны бәйләп куярга кирәк, помидорлар җиргә тимәсен. Яңгыр беткәч, һәр куактан тамчыларны селкеп төшерегез.

Дымлы һавада помидорлар фитофтороз белән авырый башлый. Бу авыру ияргәндә помидор яфракларында көрән, караңгы таплар барлыкка килә, ботакларда ак төсле мамыктай элпә үсеп чыга, черегән помидорлар йомшара, сасы ис килә.

Гөмбәле йогышлы авырулар иярмәсен өчен, помидорлар тиз өлгерсен өчен, аларга ашлама кертергә кирәк.

Биш литр су салынган чиләккә 0,5 сөт яки кефир салырга, 5 тамчы йод эремәсе өстәргә. Шушы эремәне һәр куакка 1 литр сибеп чыгарга. Фитофтороз килеп чыкканын абайлап алгач та, тиз арада шушы эремәне ясап сибәргә кирәк.

Бәрәңге фитофтора тарата торган үсемлек булганга, аны помидор янына утыртмагыз.

Фитофтораны дәвалау өчен помидорга фурацилин эремәсе сибәргә була. Биш таблетканы ваклап, биш литр суда эретергә. Бу эремә җәй буена җитәчәк. Аның помидорларга өч тапкыр сиптерергә кирәк: помидор чәчәк атканчы, беренче ботакчалар чыкканда, помидорлар өлгерә башлагач.

Помидорларга метронидазол дигән дару да сибәргә була. 1 таблетканы бер литр суд эретергә кирәк. Ачык һавада үскән помидорларга шушы эремәне яңгыр яуган саен сибәргә кирәк. 


  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла