Пломбирмы, каймаклымы: туңдырманы ничек сайларга?

10 июнь 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: Михаил Захаров
Роспотребнадзор Россия халкына туңдырма сайлау өчен киңәшләр бирде. Алар ведомство сайтында чыкты.

Туңдырма алганчы, этикеткасын җентекләп уку хәерле. Сөт мае күләменә карап, туңдырма сөтле һәм әчегән сөтле төркемнәргә бүленә. Әчегән сөтле төркемдә май күләме 7,5 проценттан артмый. Каймаклы туңдырмада сөт мае 8-11,5 процент була, сөт маен алмаштыра торган матдә салынган туңдырмада 12 проценттан артмый, пломбирда исә 12 проценттан ким булмый.

Роспотребнадзор туңдырманың яраклылык срогына игътибар итәргә киңәш итә. Маркировка сөртелгән булса, аңлашылмаса, бу туңдырманы сатып алмау хәерле. 

Җитештерү ысулына карап, туңдырма йомшак һәм чыныктырылган була. Чыныктырылган туңдырма туңдырылган, фасовкаланган һәм чыныктырылган катнашмадан ясала. Йомшак туңдырма чыныктыру стадиясен узмый, шуңа күрә аны саклау срогы кыска була.

Сыйфатлы туңдырманы каерып алганда, ул яхшы итеп сынып төшәргә тиеш.

Роспотребнадзор туңдырма ясаганда кулланырга яраклы стабилизаторлар исемлеген дә китерә. Исемлекне туңдырма этикеткасында язылганча, рус телендә китерәбез: камедь рожкового дерева (Е410), гуаровая камедь (Е412), ксантановая камедь (Е415), камедь тары (Е417), пектин (Е440), желатин, альгинат натрия (Е401). Бу исемлектә тагын башка төрле Е да булырга мөмкин. 

  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла