Матурлыкка омтылганда кыяфәтне нәрсә боза? 7 начар киңәш

8 март 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: pixabay.com

Кайсыбер халык чаралары матурлык урынына күңелсез очраклар китереп чыгарырга мөмкин. Бу турыда хатын-кызлар өчен киңәшләр сайтында язылган.

Әгәр тирегә календула — тырнак гөл төнәтмәсен сөртсәң, бетчәләр бетә, дип уйлыйлар. Чынында, бетчә кисәк кенә килеп чыкканда, әлеге төнәтмә ярдәм итәргә мөмкин. Ләкин акне дигән авыру булганда, бит тиресе ныграк бозылачак. Тире кибәчәк, кызарачак һәм каушакланачак. Тәне коры булган кешеләргә спиртлы төнәтмәләр куллану катгый тыела.

Активлашкан күмер белән желатин катнашмасы биттәге кара нокталарны бетерә. Әйе, 1–2 көнгә нокталар бетеп торыр. Ләкин мондый тәрбиядән соң тән тирес ялкынсынырга, корыланырга мөмкин. Битендә бетчәләр булган кешеләргә бу ысул бөтенләй ярамый.

Кремга А һәм Е витаминнарын кушсаң, тире матурлана. Чынлыкта исә бу очракта аллергия булырга мөмкин. Витаминнарны биткә аерым гына сөртеп карарга кирәк. Аллергия чыкмаса гына, бу ысулны кулланып була.

Бадяга (шайтан күбеге үләне) белән водород перекисе катнашмасыннан маска тирене чистарта. Бу очракта биттә таплар артырга, төкләр үсәргә мөмкин.

Аспирин белән лимон катнашмасыннан маска бит тиресен агарта. Әйе, тире бераз агара. Ләкин коры һәм сизгер тиреле кешеләрнең битендә ялкынсыну барлыкка килергә мөмкин.

Күз төбендәге кара тапларны бетерү өчен геморройдан сөртә торган крем куллану. Әйе, мондый кремнар кара тапларны бераз агарта. Кулланганчы, башта аллергиягә тикшереп карагыз. Әлеге ысул җыерчыкларны бетерми.

Күзгә сала торган тамчыларны керфекләрне үстерү өчен куллану. Бу тамчылар керфекләрне бераз үстерергә мөмкин. Ләкин табиб белән киңәшү кирәк. Сезгә бу даруларны кулланырга ярыймы — юкмы — шуны ачыклагыз.


  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла