Кечкенә балалар белән Мәскәүгә сәяхәт итәр өчен нәрсәне белү кирәк? Айсылу Лерон киңәшләре

7 январь 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Телевидение алып баручысы Айсылу Лерон гаиләсе белән Мәскәү күреп кайткан. Кечкенә балалар белән Мәскәүгә сәяхәт нинди була? Бу мөмкин эшме? Нәрсәне белү мөһим? Айсылу инстаграмында бу хакта киңәшләр бирә.
Айсылуның инстаграмында Мәскәү фотоларын күргән кешеләр аңа күп сораулар бирә икән. Айсылу шуларны җыеп, җаваплар әзерләгән:

"1. Яңа елны монда каршыларга ирем тәкъдим итте. Ике катлы поездның икенче катындагы купега (балаларга кызык булсын дип) билетларны 20 көн алдан ук алып куйдык. 30 декабрь кич утырдык, 31е иртән килеп тә җиттек.

2. "Измайлово" комплексының "Дельта"**** кунакханәсендә тукталдык. Аңа алдан бронь ясадык. 4 тәүлеге 13000 тирәсе чыкты (бу бәягә ашау керми). Бөтен уңайлыклар да бар, отель супер! Метро бик якын.
.
3. Төрле урыннарда ашадык: бәяләр бер тирә, Казан белән чагыштырганда, югары. Бер кешегә бер тапкыр утырып ашау, ким дигәндә, 600-800 сумга төшә. Менә шуннан уйлагыз инде.
.
4. Бу 4 көн эчендә кайларга барасыбызны Казанда ук уйлап куйган идек инде:
- Кызыл Мәйдан һәм шунда оештырылган Яңа ел ярминкәсе.
- Москвариум (океанариум) - билет бәяләре көненә карап, төрлечә (якынча бер кешегә 600-800 сум), сайтларында бөтен мәгълүмат та бар. Күпбалалы гаиләләргә ташлама каралган.
- Зоопарк - билет бәясе 500 сум, 17 яшькәчә балаларга бушка. Льготалы категорияләр бар, безгә, мәсәлән, керү бушлай булды (күпбалалы әни таныклыгы һәм паспортлар кирәк).
- кафе Андерсон - балалар мәйданчыгы булган зур гаилә кафесы.
- яхта Эрвинрека - Мәскәү елгасы буйлап йөрү. Керү түләүле, балаларга 600 сум, зурларга 800 (ашау өчен аерым түлисең).
.
5. Җәяү күп йөрергә әзер торыгыз. Сәйдә кайвакыт барган җиреннән дә йоклап китеп, әтисенең җилкәсендә йөргәләде. Такси белән йөрү кыйммәт. Ләкин безнең очракта тагы да авыррак: безгә ике машина чакыртырга кирәк (һәм берничә тапкыр шулай эшләдек тә), чөнки бишебезне дә утыртмыйлар.
.
6. Мәскәү кыш көне дә бик матур. Барыр урыннар күп, ләкин акчасыз йөри торган түгел. Шуңа күрә барыр алдыннан барлык чыгымнарыгызны планлаштырыгыз һәм шуны өчкә тапкырлагыз.
.
7. Мәскәү безгә бик күп уңай эмоцияләр бүләк итте! Фото һәм видеоларны кат-кат карыйбыз һәм хәзер яңа планнар корабыз.
.
Бу мәгълүмат сезгә файдалы булыр дип ышанып калам! Тагын сорауларыгыз булса, языгыз", - дигән Айсылу Лерон.


  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла