Америка галимнәре кофе эчүнең баш авыртуына тәэсирен ачыклаган.
Галимнәр көненә ике чынаяктан да күбрәк кофе эчмәскә киңәш итә. Бу эчемлекне күп күләмдә эчү башны авырттырырга мөмкин. Гарвард медицина университеты галимнәре баш авыртудан интеккән 100 кешене тикшереп шундый нәтиҗә ясаган. Бу хакта The American Journal of Medicine сайтына сылтама белән v-kurse.ru басмасы яза.
Алты атна дәвамында тәҗрибәдә катнашучылар көненә ике мәртәбә анкета сорауларына җавап биргән, күпме кофе эчүләрен язып барган һәм баш авырту өянәкләре турында сөйләгән. Нәтиҗәдә аларның һәрберсе дә тәҗрибә вакытында сигез тапкыр баш авырту өянәге кичергән. Эксперементта катнашучылар кофены күп итеп эчкән вакытта баш авырту өянәге күзәтелгән.