Иң күп пенсияне кайсы төбәктә түлиләр?

Россия Пенсия фонды иң күп һәм иң аз пенсия ала торган төбәкләрне атады. Бу турыда «Российская газета» хәбәр итте.

1 июльгә мәгълүматлар буенча, беренче урында — Чукотка автономияле округы — 25 173 сум. Алдынгылар бишлегендә Ненец автономияле округы — 22 050 сум, Магадан өлкәсе 21 508 сум, Камчатка өлкәсе — 21 342 сум, Ямал-Ненец автономияле округы — 21 008 сум.

Иң аз пенсия Кабардино-Балкариядә - 11 413 сум, Дагыстанда — 11 653 сум, Калмыкиядә — 12 137 сум.

«Российская газета» сайтына Пенсия фонды хәбәр иткәнчә, түләүләр үлчәме хезмәт стажына, хезмәт хакына, пенсионерның яшенә, гаилә әгъзаларына бәйле.

Россиядә уртача пенсия 14144 сум тәшил итә, диелгән әлеге хәбәрдә.

Татарстанда эшләмәүче 800 мең пенсионерның пенсиясе артачак. 1 гыйнвардан уртача иминият пенсиясе 1000 сум тәшкил итәчәк. Бу хакта «Татар-информ» агентлыгы хәбәр итте.