Табиб-диетолог Елена Соломатина "Вечерняя Москва" газетасына биргән әңгәмәсендә кеше организмы өчен иң файдалы булган ипине атаган. Бу хакта РИА Новости яза.
Белгеч беренче урынга арыш ипиен куйган. "Әмма еш кына төргәгенә зур хәрефләр белән "Арыш ипие" дип язылса да, составында арыш оны булмый яки бик аз күләмдә генә була. Моңа бик ышанырга кирәкми. Җитештерүчеләр бодай оны һәм буяу куллана", - дигән Соломатина.
Ипи пешергәндә кулланылган он югары сортлы булмаса яхшырак. Ә ярдырылган, икенче сортлы яки арыш оны булса әйбәтрәк була.
Диетолог сүзләренчә, ипи сайлаганда иң беренче аның составын карарга кирәк. Ул никадәр гадирәк булса, шулкадәр яхшырак. Иң яхшысы - он, су һәм тоздан пешерелгән ипи. Елена Соломатина көнчыгыш якларда пешерелә торган ләвәш, лепешка һәм урта диңгез питасын мисалга китерде.