Еллык отпускны икегә бүлеп бирү дөресме?

5 июнь 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: pixabay.com
Россия Хезмәт министрлыгы хезмәткәрләргә еллык отпускны икегә бүлеп бирү өчен кешенең рәсми ризалыгы булырга тиешлеген искәртте. Бу турыда НТР каналы хәбәр итте.

Отпускны икегә бүлү турында килешү ике яктан да ризалык булган очракта төзелә. Предприятие җитәкчесе дә отпускны ике өлешкә бүлүгә ризалык бирергә тиеш. Хезмәткәрне отпускын ике өлешкә бүлеп алырга мәҗбүр итү законга каршы килә. Аны беркем дә мәҗбүри рәвештә отпускын икегә бүлергә тиеш түгел. Бу кагыйдә Россия Хезмәт кодексының 1 өлешендәге 125 маддәдә ачыклана.

Әгәр яклар килешә алмаса, ел саен бирелә торган түләүле отпуск тулысынча бирелергә тиеш. Аның башы отпусклар графигында күрсәтелә. Закон буенча, бу график алдан төзелергә тиеш.

Ләкин монда бер нюанс бар. Әгәр ике як та килешеп, отпуск ике өлешкә бүленсә, аның бер өлеше 14 көннән ким булмаска тиеш.

Моннан тыш, эшкә урнашканнан соң, икенче елдан башлап хезмәткәр отпускны үзе теләгән вакытта ала ала. Әлбәттә, ул бу карарын отпусклар графигында алдан күрсәтергә тиеш.

Әгәр җитәкчелек хезмәткәрне тулы булмаган отпускка мәҗбүри җибәрсә, компаниягә 50 мең сум күләмендә штраф салулары ихтимал.

  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла