Дулкынланганда һәм ачуланган вакытта ничек тиз генә тынычланырга?

14 май 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: pixabay.com
"Үзеңне кулга ал!" дигәндә, күпләр "мин бит идарә итә алмыйм" ди. Нейропсихолог Олег Молчановның киңәшләре белән "АиФ" таныштыра.

Кеше курыкса, ачуланса, дулкынланса, организмда адреналин бүленеп чыга. Йөрәк тибеше ешая, кан тамырлары киңәя, күз карасы зурая. Бу сәламәтлек өчен зыянлы (йөрәк тотарга мөмкин) һәм куркыныч - кеше мондый чакта үзен адекват тотмый. Шуңа күрә адреналин күләмен тиз генә киметергә кирәк. 

1. Тирән итеп сулагыз. Кислород канга тарала һәм адреналин күләме азая. Еш һәм тирән итеп борын аша сулап, тынны авыз аша чыгарырга кирәк. Аннары 3-5 секундлык пауза. 5-6 тапкыр кабатлагач, сез бераз тынычланачаксыз. 

Кеше янында булганда болай сулап булмый. Андый очракта тирәнрәк сулагыз һәм сулышыгызны контрольдә тоту турында уйлагыз - шул рәвешчә, сез проблемадан да читләшәсез.

2. Мускуллар белән уйнагыз. Мөмкинлек булса, йөгереп, сикереп, турникта күтәрелеп алыгыз. Юк икән, кулларыгызны тиз генә йодрыклап, кисәк кенә алга сузыгыз. 10-15 тапкыр кабатлагач ук яхшы якка үзгәреш сизеләчәк.

3. Телне тешләгез. 
Аз гына авырту игътибарны читкә юнәлтәчәк, дәшми дә калачаксыз. 

4. Тапкырлау таблицасын яки яраткан шигырегезне кабатлагыз, беренче укытучыгызның исемен искә төшерегез.

Бу күнекмә адреналинны яндырмый. Әмма ул адреналин барлыкка килүне чикли. Моны эшләү кыен, әмма күнекмәләр уздырсагыз, ияләнәчәксез. Бу аеруча сезне кемдер тәнкыйтьләгәндә кулай күренеш.

5. Дөрес тукланыгыз. Полуфабрикатлар, майлы, баллы ризыклар ашаган, еш каты кофе һәм чәй эчкән кешеләрдә адреналин көчлерәк бүленеп чыга. Тыныч булыр өчен серотонин (рәхәтлек гормоны) җитештереп чыгаруга ярдәм итә торган продуктлар ашарга кирәк. Болар - яшелчә, җиләк-җимеш, бөртеклеләр. Шулай ук магний булган ризыклар - какао, чикләвек, фасоль, шпинат ашарга кирәк.

  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла