Диклофенак даруы cәламәтлеккә ни кадәр зыянлы?

10 сентябрь 2018

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: pixabay.com
Диклофенак үлем куркынычын 50% күбәйтә, дигән белгечләр.

British Medical Journal медицина журналы, Дания галимнәренә сылтама белән, диклофенак даруының зыяны турында язган. Бу хәбәрне РИА Новости агентлыгы таратты. Хәбәрдән аңлашылганча, Россиядә киң кулланылышта булган бу препарат үлемгә китерә торган авырулар санын 50% күбәйтә, дип раслаган галимнәр. 

Тикшерүдә 46 яшьтән 49 яшькә кадәр 6,3 млн данияле катнашкан. Аларны йөрәк авырулары килеп чыгу куркынычы буенча өч төркемгә бүлеп тикшергәннәр.

Белгечләр диклофенак куллану белән аритмия, ишемик инсульт, йөрәк эшчәнлеге җитешсезлеге һәм инфаркт килеп чыгу куркынычын тыгыз бәйләнештә булуын ачыклаганнар. Өзлегүләр дару куллануның 30нчы көненнән соң күзәтелгән. Даруны аз микъдарда кулланучыларда да куркыныч авырулар килеп чыгу ихтималы көчәйгән.

Авыртуны баса торган диклофенак даруын кулланучыларда, ибупрофен һәм напроксен кулланучылар белән чагыштырганда, уртача бер тапкырга күбрәк йөрәк өянәге күзәтелгән. Диклофенак ярдәмендә авыртуны басучылар, шул ук максаттан парацетамол кулланучылар белән чагыштырганда, өч тапкырга күбрәк йөрәк авыруларыннан интеккән.

Диклофенак - ялкынсынуга каршы кулланыла торган стероидлы булмаган препарат. Гомер өчен кирәкле һәм мөһим дарулар исемлегенә керә. Россиядә диклофенак рецептсыз сатыла, дип кисәтә РИА Новости.

Фикерләр








Сорау-җавап

Тычканнар фикерли беләме?

Күптән түгел уздырылган тикшеренүләр тычканнарның катлаулы ультратавышлар ярдәмендә үзара аралашуын ачыклаган. 

БАШКА ЯҢАЛЫКЛАР

Интертат.ру / Intertat.ru © 2001 - 2018 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла