Диеталарсыз һәм күнегүләрсез ничек ябыгырга?
Medicalxpress сайты төгәл режим махсус диеталарсыз да ябыгырга мөмкинлек бирә дип яза.
Гарвардның Медицина мәктәбе галимнәре эксперимент уздырган. Ябыгырга теләүче кешеләр ай буе лабораториядә яши, анда ишекләр һәм тәрәзәләр булмый, шул сәбәпле, тәүлекнең кайсы вакыты икәнен белү мөмкин булмый. Экспериментны уздыручылар йокы вакытын үзгәртеп тора.
Кеше организмыны режим сакланганда майларны күбрәк "яндыра" икәне ачыклана. Бу хәтта ашау күләменә дә карамый. Биологик һәм чынлыктагы төн туры килгәндә, кешенең энергияне көчлерәк түгүе билгеле була. Тынычлык халәтендәге организм кичен (17.00 сәгатьтән 20.00 сәгатькә кадәр) иртәнгә караганда 10 процентка күбрәк калория яндыра икәне билгеле булган.
Шул рәвешчә, галимнәр режим саклауның ябыгу өчен дә кирәкле икәнен исбатлаган.