Айның икенче ягында нәрсә бар: кытай зонды төшергән видео

15 январь 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Кытайларның Чанъэ-4 (Chang’e-4) зонды Айның икенче ягына - беркайчан да Җирдән күренми торган ягына килеп утырды. Бу хакта мәгълүмат passport.weibo.com сайтында чыкты.

Айның икенче ягына "караңгы ягы" дип атыйлар, чөнки Ай һәрвакыт Җиргә бер ягы белән генә борылып тора. Айның икенче ягында кратерлар күбрәк, грунт тыгызрак.

Айның җиргә күренеп торган ягы (сул яктагы фото) һәм икенче ягы. 

«Чанъэ-4» — Кытайда эшләнгән автоматик станция. Аның составында луноход бар. Ул видеога төшерә һәм Айның өслеген тикшерә. Зонд Карман дип аталган кратер читенә утырган. Бу кешелекнең Айның икенче ягына беренче тапкыр менүе. 

Зонд

Зондны җибәрү мизгеле.

Бу исә Айның икенче ягыннан җибәрелгән беренче фото:

Айга герметик савытларда бәрәңге, рапс һәм ефәк кортын алып менгәннәр. Шул рәвешчә кытайлар үсемлекләр һәм җан ияләре бу шартларда яши аламы икәнен тикшерә.

Кешеләр 1976 елга кадәр Айда алты тапкыр булган иде. Кырык ел буе Айга менәргә теләүче ил булмады.

Кытайлар луноходның Айда йөргән видеосын да күрсәтте. 

Айга кадәр 384 мең км. Айдан алып кайтылган грунт бик кыйммәт тора. Айдан кешелек моңарчы 382 грунт үрнәге алып кайтты. СССРның "Луна" станциясе 0,33 кг грунт алып кайткан иде. Нью-Йорк аукционында Ай грунты 855 мең долларга сатылды. 


  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла