Аритмияне ничек белергә?
Сорауга ТР Сәламәтлек Саклау министрлыгының функциональ диагностика баш белгече Юрий Терегулов җавап бирә.
- Татарстанда һәр бишенче кеше кан тамыры-йөрәк авыруларыннан интегә. Аритмия барлык халыкның 1-2 процентында күзәтелә. Яшь үзенчәлекләренә бәйле рәвештә карасак, 60 яшьтән өлкәнрәк халыкның 10 процентында очрый.
Аритмия ничек килеп чыга соң? Кешенең йөрәк ритмы әкрен, пауза белән эшли икән, аның башы әйләнә. Кеше бу вакытта аңын югалтып егылырга да мөмкин. Бу – куркыныч симптом. Йөрәкнең еш тибүе дә хафага салырга тиеш. Әмма күп очракта кеше аритмияне сизми, белми. Шуңа күрә без профилактик тикшеренүләргә йөрергә тәкъдим итәбез.