Акча китерә торган сынамышлар

6 декабрь 2018

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: pixabay.com
Акчага бәйле сынамышлар шактый. Шуларның берничәсен искә төшерәбез.

Кеше акчасын санамагыз, үзегезнекен исәпләгез! Көнчелек — начар гадәт. Кеше акчасын санасаң, үзеңнеке бетәр.

Акчаны озак сакламагыз!

Гадел булмаган юл белән табылган акча кайгы китерә.

Кыйммәтле материалдан эшләнгән акча янчыгы байлык китерә.

Акча янчыгына кәгазь акчаны алгы ягы белән тезеп барыгыз. Серия номеры язылган ягы — акчаның алгы ягы, ягъни йөзе була.

Акча янчыгы бүләк итсәгез, тимер акча салып бирегез.

Акча булсын дисәгез, теләнчеләргә сәдака бирегез.

Бурыч алсагыз, аны ваклап бүлеп бирегез. Бурыч биреп торган кешегә бу хәл ошамас инде. Тик бурычны ваклап бүлеп бирү байлык китерә дигән сынамыш та бар.

Хезмәт хакын алган көнне үк тотмагыз. Икенче иртәнгә кадәр булса да түзеп торыгыз.

Сул кул кычытса, акча керәчәк.

Акчаны сул кул белән алыгыз, уң кул белән бирегез.

Кесәләрегездә тишек булса, тизрәк тегеп куегыз. Тишек кесә — хәерчелек эсти.

Кибеттә кайтарып биргән акчаны тиененә кадәр санап алыгыз. Акча санаганны ярата.

Хайваннарны кемгә дә булса биргәндә, бераз гына булса да, акча алыгыз.

Байлык хакында татар халык мәкальләре дә шактый. Мәсәлән:

Бай ярлыдан көлгән, бер айдан үзе бөлгән.

Байлык бүген синдә кунак, иртәгә — миндә.

Бай булыгыз! Бу сынамышларның күпчелеге кешене тәртипкә өйрәтү максатыннан кабул ителгәнен дә онытмагыз.

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2018 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла