111 яшькә җитәр өчен ничек яшәргә?

5 апрель 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: pixabay.com

Бөек Британиянең иң өлкән кешесе — 111 яшьлек Боб Уэйтон (Bob Weighton) озак яшәү серен әйткән. «Үлемнән ничек тә качарга кирәк», дигән бу бабай. Бу турыда Daily Mail басмасына сылтама белән «Лента.ру» хәбәр итте. 

Ул 111 яшьлеген 29 мартта картлар йортында каршы алган. Бирегә аның танышлары һәм дуслары килгән. «Мин дә кешеләр курыккан бар нәрсәдән куркып яшәдем. Грипп, малярия белән авырдым, берничә тапкыр операция ясаттым. Күптән үләргә тиеш идем инде, мине көрәшче дияргә була», — дип сөйләгән ул.

Өлкән яшьтәге бу абзый игътибар үзәгендә булырга яратмавын әйтә. Ул яңа кешеләр белән танышырга ярата. Елизавета Икенчедән бер «җансыз булса да» открытка җибәрүен сорый. «Мин шуны аңламыйм: королева исеменнән бирелгән бүләкләр өчен ник дәүләтүләргә тиеш? Бу бит аның шәхси бүләге», — дип шакката 111 яшьлек бабай.

Бабай сүзләренчә, аның озын-озак гомере эчендә дөнья шактый үзгәргән. Ләкин кешеләр үзгәрмәгән икән.

Ике улы, кызы, ун оныгы, оныкларының 25 баласы булган бу бабай әле дә мөстәкыйль яшәргә тырыша. Уэйтон ашарына да үзе пешерә, азык-төлек кибетенә йөри.

Аның ходункиларына «Боб 111» дип табличка куйганнар. «Кәефе начар булганнарның күбесе бу табличканы күргәч, елмаеп куя. Тукталып сөйләшә башлыйлар. Мин нәкъ менә шуның өчен яшим дә», — дигән пенсионер.


  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла