Үкчә тиресе катыланса, кайсы органда яман шеш килеп чыгарга мөмкин?

9 март 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: pixabay.com

Үкчә тиресе катыланса, организмда яман шеш күзәнәкләре үсеп ятарга мөмкин икән. Галимнәр шуны ачыклаган. Бу турыда Woman.ru сайты яза.

Күпчелек очракта үкчәләрдә тән тиресе катылану аяк кием дөрес сайламаганда, биек үкчәле кием кигәндә була. Ләкин тикшеренүләр күрсәткәнчә, бу билге куркыныч авыру турында да аңлатырга мөмкин.

Лондон галимнәре фикеренчә, нәселдән килә торган үңәч яман шеше белән авырганда, үкчә, терсәк тиресе катылана, диелгән әлеге хәбәрдә.

Үңәч яман шеше өчен җавап бирә торган iRHOM2 геномы тән тиресе формалашуда зур роль уйный. Ул тире составындагы кератин матдәсен көйләп тора. Кератин исә чәчләр, тырнаклар составында да була. Әгәр организмда кератин күләме артса, кешедә әлеге ген активлашкан дигән сүз. Димәк, тәндә эпидермис катламы калыная. Тиренең өске катламы яңарып өлгерми, тире ката.

Шулай итеп, тикшеренүләр күрсәткәнчә, бу ген активлашканда кеше организмында үңәч яман шеше барлыкка килү ихтималы арта. Шул ук вакытта үкчәләр дә катылана. 

Галимнәр тычканнар белән тәҗрибә уздырган. Алар әлеге ген активлашканда, тычканнарның тәпиләрендә тире катылануын билгеләгән.


  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла