Чәч буявы рак китереп чыгарамы?

27 февраль 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Фото: Александр Эшкинин
Белгечләр табигый буяу кулланырга киңәш итә.

Чәчләрне химик буяу белән буяу куркыныч авырулар китереп чыгара дигән мәгълүмат бар. Йөкле һәм имезүче хатыннарга чәч буярга ярамый, диләр. Буяудагы матдәләр баланың сәламәтлегенә һәм үсешенә йогынты ясау ихтималы бар. Хатын-кызларның күпчелеге боларны уйдырма дип исәпли. «Вести. Медицина» сайты әлеге сорауга ачыклык кертте.

Британиядә яшәүче маммолог Кефах Мокбель (Kefah Mokbel) чәч буявы организмга зыян китерә дип исәпли. Чәчне елына биш тапкырдан артык буяган кешеләр куркыныч төркемгә керә икән. Аларда күкрәк яман шеше барлыкка килү 14 процентка артыграк. Мокбель ассызыклап әйткәнчә, буяу җитештерүчеләр чәчне 4–6 атнага бер тапкыр буярга киңәш итә. Шулай итеп, хатын-кызларның күпчелеге чәчен елына биш тапкырдан ешрак буяп куя.

Британия маммологының фикере Финляндия белгечләренең тикшеренү нәтиҗәләре белән дә туры килә. Алар Финляндиядә онкология белән авыручылар турындагы мәгълүматны өйрәнгән. Чәчен еш буяган хатын-кызлар күкрәк яман шеше белән ешрак авырганлыгын ачыкланган.

Авторлар нәкъ менә чәч буявы яман шеш китереп чыгара дип раслый алмый. Аларның тәгаен генә дәлилләре дә юк. Хатын-кызлар кулланган башка косметика чараларындагы матдәләр дә яман шеш сәбәбе булуы ихтимал, диелгән әлеге хәбәрдә.

Әлегә күкрәк яман шеше белән чәч буявы арасында бәйлелек ачыкланмаган. Галимнәр бу юнәлештә эшне дәвам итә. Хәзергә исә Кефах Мокбель табигый буяулар, мәсәлән хна, кулланырга киңәш итә.


  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла