Төче камырдан "төш" рецепты

13 февраль 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Автор: Ләйсән ХАФИЗОВА
Камыр "төш"ләрен баллы рулетлар итеп тә төрергә була.

Чәй янына «төш» пешереп алу өчен озак вакыт кирәкми. Төче камырга пешерелгән бу ризыкны ипи урынына да кулланырга була. Мөгаен, бик вак булган өчен, аны «төш» дип атаганнардыр.

Бер стакан майлы кефир, 2 йомырка, тәменчә тоз, бер чәй кашыгы шикәр комы, 4 аш кашыгы үсемлек мае, 2 аш кашыгы каймак, 2 аш кашыгы майонез салып болгатырга. Шушы массага кирәгенчә он сала барып, йомшак камыр басарга. Он кушкан вакытта ярты чәй кашыгы аш содасы өстәп җибәрергә кирәк.

Камырны биш-ун минут ял иттереп алырга һәм төшләр әвәли башларга була. Камырны ике өлешкә бүләргә. Бер өлешеннән нечкә «колбаса» ясап, шуннан 3–4 см киңлектәге «төшләр» кисеп алырга. Аларны майланган табага «утыртып» куярга. Өстен майларга.

Камырның икенче өлешеннән 5 мм калынлыктагы җәймә җәяргә. Җәймәнең өстен майлап, бераз шикәр комы сибәргә һәм рулет итеп төрергә. Рулетны 3–4 см киңлектәге «төшләр» итеп бүлеп чыгарга. Майланган табага «утыртырга». Өстен майлап җибәрергә.

Төшләрне 200 градус җылылыктагы духовкада 30 минут чамасы пешереп алырга.

Мондый камыр белән алма бәлеше дә пешерергә була.


  Без Инстаграмда

Фикерләр








Аш-су

Фольгада пешкән сибас балыгы

"Ел ир-аты: хатын-кыз карашы – 2014" республика бәйгесендә "Хатын-кыз – бизнес-леди" номинациясе җиңүчесе, эшмәкәр ханым Миләүшә Зариповадан фольгада сибас балыгы пешерү рецептын тәкъдим итәбез.

Аш-су

Тузганак чәчәге белән лимоннан бал

Кемдер тузганак чәчәгеннән бал кайната, кемнәрдер кайнатма ясый. Ә сез өлгердегезме әле? Менә Азнакай районы, Мәндәй авылында яшәүче Мәрьям Миңнегуловадан тузганак белән лимон балы рецептын тәкъдим итәбез.

Аш-су

Йогыртлы катлы салат

Зур Кукмара авылында яшәүче укытучы-блогер Айгөл Гатауллинадан дөрес тукланучылар өчен йогыртлы салат рецептын тәкъдим итәбез.

БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла