Салкын суда һәм коры килеш аз тозланган кыяр рецептлары

16 август 2019

Язманы тыңлагыз

Сөйләм синтезаторы:

Татарча сөйләм
синтезаторы

кулланыла

Автор: Гөлчәчәк ВӘЛИЕВА
Кыяр мул булып үскән чорда, һичшиксез, әлеге яшелчәне күп итеп ашап калырга кирәк. Яңа гына өзелгәнен дә, аз тозланганын да. Сезгә ике рецепт тәкъдим итәбез.

Коры килеш капчыкта тозлау ысулы

Бер кило чамасы кыярны юып, баш-башларын кисеп чыгабыз. Кыярның күләмен үзегезнең ихтыяҗдан чыгып чамалагыз. Полиэтилен капчыкка сыярлык булсын. Кыярлар эре икән, икегә бүләргә кирәк. Капчыкка тагын бер аш калагы тоз, әз генә шикәр комы, туралган сарымсак (3-4 тырнак алырга була, кемгә ничек ошый), күп итеп яшел укроп, зонтларын, сабакларын да салырга була (ләкин капчыкны тишәрлек булмасын), берничә карлыган яфрагы салабыз. Капчыкның өстен бәйләп, шушыларны барысын бергә дөбер-шатыр астын-өскә әйләндереп болгатабыз. Үткән-сүткәндә шулай әйләндергәләп алабыз. Бер-ике сәгатьтән соң инде кыярлар ашарлык һәм искиткеч тәмле була!

Салкын су белән аз тозланган кыяр

Бу ысул да бик тәмле. Тик алай тиз әзер булмый, суыткычта тәүлеккә якын торырга тиеш. Иң әүвәл 1 литр су алып, шунда 1 аш калагы шикәр комы һәм 2 аш калагы тозны эретәбез. Аннан контейнер, яки банка алып, төбенә кемгә нинди яшел тәмләткечләр ошый, шуларны салабыз – укроп, аның сабагы, зонтлары, керән яфрагы, лавр яфрагы... Шулай ук түгәрәк кара борыч, сарымсак куябыз. Юылган һәм баш-башлары киселгән кыярларны тезеп чыгабыз һәм өстенә алдан әзерләп куйган тозлы суны салабыз. Контейнерның өстен ябып, суыткычка куябыз.

Шушы август аенда яшь бәрәңгене әрчемичә генә суда пешереп, янына аз тозланган кыярларны куеп, үзегезне сыйлагыз әле!


  Без Инстаграмда

Фикерләр








БАШКА ЯҢАЛЫКЛАР

Интертат.ру / Intertat.ru © 2001 - 2019 Әлеге ресурста 16+ категорияләренә керүче мәгълүмат булырга мөмкин

"ТАТМЕДИА" АҖ филиалы "Татар-информ" мәгълүмат агентлыгының Интертат.ру / Intertat.ru республика электрон газетасы редакциясе".

Адрес: 420066, Казан, Декабристлар ур., 2нче йорт. Телефон: +7 (843) 222-0-999 (1304)
E-mail: info@tatar-inform.tatar

Шәхси мәгълүмат
"ТАТМЕДИА" АҖнең коррупциягә каршы сәясәтен раслау турында
Коррупция фактлары турында хәбәр итү өчен: shamil@tatar-inform.ru

Генераль директор Садыйков Шамил Мөхәммәт улы.
Баш редактор Латыйпов Рәмис Нурмөхәммәт улы.
Шеф-редактор Исмәгыйлева Алсу Җәүдәт кызы

Гаммәви матбугат чарасын теркәү турындагы таныклык Россиянең элемтә, мәгълүмати технологияләр һәм гаммәви коммуникацияләрне күзәтчелек хезмәте тарафыннан 2012 елның 10нчы маенда бирелде. Таныклыкның номеры - ЭЛ № ФС77-49790.
Материалларны тулысынча яки өлешчә куллану бары тик редакциядән язмача рөхсәт булганда гына мөмкин.
"Татмедиа" республика матбугат һәм массакүләм коммуникацияләр агентлыгы ярдәме белән чыгарыла