Маринадланган гөмбә рецепты
“Рядовка” яки “синяя ножка” гөмбәсен маринадлауның иң гади ысулын тәкъдим итәм.
Беренче эш итеп гөмбәне яхшылап юарга, туфрактан һәм үләннәрдән арындырырга. Зур гөмбәләрне берничә кисәккә ваклап, кортсыз булуына ышанырга.
1 кг гөмбә өчен маринад: 1 литр су, 2 аш кашыгы тоз, 1 аш кашыгы шикәр комы, 3 аш кашыгы 9 процентлы аш серкәсе, 6 данә канәфер, 3 хуш исле борыч, 5-6 кара борыч, 2 тырнак сарымсак.
Гөмбәләрне 30 минут пешерергә, суын саркытырга һәм янә яхшылап юарга кирәк. Икенче кабат гөмбәләргә маринад салып, 30 минут пешерергә. Пешеп чыгарга 10 минут кала аш серкәсе салырга.
Тәмләткечләрне һәр банкага аерым да салырга мөмкин.
Гөмбәне стериль банкаларга салып, стериль капкач белән ябарга.
Табынга биргәндә гөмбәләрне салкын су белән юарга, саркытырга, ярымбоҗралап суган турарга һәм үсемлек мае белән болгатырга.
Тәмле булсын!
1 кг гөмбә өчен маринад: 1 литр су, 2 аш кашыгы тоз, 1 аш кашыгы шикәр комы, 3 аш кашыгы 9 процентлы аш серкәсе, 6 данә канәфер, 3 хуш исле борыч, 5-6 кара борыч, 2 тырнак сарымсак.
Гөмбәләрне 30 минут пешерергә, суын саркытырга һәм янә яхшылап юарга кирәк. Икенче кабат гөмбәләргә маринад салып, 30 минут пешерергә. Пешеп чыгарга 10 минут кала аш серкәсе салырга.
Тәмләткечләрне һәр банкага аерым да салырга мөмкин.
Гөмбәне стериль банкаларга салып, стериль капкач белән ябарга.
Табынга биргәндә гөмбәләрне салкын су белән юарга, саркытырга, ярымбоҗралап суган турарга һәм үсемлек мае белән болгатырга.
Тәмле булсын!