Кыздырылган пилмән
Пилмәнне шулпада пешереп һәркемнең ашаганы бар. Менә кыздырып ашап карагыз әле, бик тәмле.
Пилмән камыры: 1 йомырка, 2 аш кашыгы үсемлек мае, 2 аш кашыгы кайнар су, он.
Ингредиентларны кушып камыр басарга һәм өстенә каплап, 15 минут ял иттерергә.
Эчлек өчен: сыер итеннән фарш, суган, кәбестә, тоз һәм борыч.
Фаршка иттарткычтан чыгарылган яки блендер белән вакланган суган салып болгатырга. Икенче савытта вак итеп туралган кәбестәгә тоз сибәргә һәм суы чыгарлык итеп уарга. Ике тәлинкәне берләштерергә һәм борыч сибәргә.
Камыр һәм эчлек әзер. Пилмән ясарга һәм катырырга куярга.
Аннары табага үсемлек мае салырга һәм каткан пилмәннәрне салып кыздырырга, икенче ягын әйләндерергә. Соя соусы һәм, аз гына су (пилмәннәр күмелерлек булмасын) салып, каплап биш минут пешерергә.
Табынга яшеллек сибеп бирергә.